O'zbekiston ayollar milliy terma jamoasi “Umid kubogi-2019” finaliga yo'l oldi

Futbol bo'yicha O'zbekiston ayollar milliy terma jamoasi qo'shni Qirg'izistonning Qorako'l shahrida o'tkazilayotgan “Umid kubogi-2019” xalqaro musobaqasidagi ishtirokini muvaffaqiyatli tarzda davom ettirmoqda.

Bugun futbolchi qizlarimiz mezbon yurt terma jamoasiga qarshi bahs yuritishdi va raqib darvozasini javobsiz 9 marta ishg'ol etishdi.

Qirg'iziston – O'zbekiston 0:9

Hakamlar: Veronika Bernatskaya, Eldiar Salibaev, Zamir Chinibekov, Nurgazi Cholponbaev.

Gollar: Diyoraxon Xabibullaeva (27, 30, 37), Nilufar Qudratova (34, 72), Sitora Taqaboeva (52), Lianna Norbekova (59), Dildora Nozimova (63, 76).

O'zbekiston: Maftuna Jonimqulova, Mohira Jo'raboeva, O'g'iloy Qo'chqorova, Sitora Taqaboeva, Nilufar Qudratova, Malika Burxonova, Laylo Shodieva, Maftuna Shoyimova, Lianna Norbekova, Dildora Nozimova, Diyoraxon Xabibullaeva.

Natijada hozirga qadar o'z darvozasidan birorta ham gol o'tkazib yubormagan terma jamoamiz musobaqaning finaliga yo'l oldi. Final bahsi 12 sentyabr kuni o'tkaziladi. Hal qiluvchi o'yinda O'zbekiston ayollar milliy terma jamoasiga Nepal raqiblik qiladi. 

скачать dle 12.1
Fikr bildirish

Кликните на изображение чтобы обновить код, если он неразборчив