Yangiliklar

O'zbekistonlik tennischi yigitlar Butunjahon talabalar universiadasida finalga chiqdi

Italiyaning Neapol shahrida Butunjahon talabalari o'rtasida o'tkazilayotgan Universiada-2019 o'yinlari davom etmoqda. Musobaqaning juftlik va yakkalik bahslarida ketma-ket zafar quchib kelayotgan tennischi yigitlarimiz Humoyun Sultonov va Sanjar Fayziev bugun yana bir muhim g'alabani qo'lga kiritishdi.

Erkaklar o'rtasidagi juftlik bahslarining yarim final o'yinida xitoylik Xao Vu va Shuai Xuga qarshi kortga chiqqan vakillarimiz 7/6 (2), 6/2 hisobida zafar quchib, universiadaning finaliga yo'l olishdi.

Musobaqaning juftlik bahslarini ikkinchi davradan boshlagan Humoyun Sultonov va Sanjar Fayziev dastlabki o'yinda tailandlik tennischilarni, to'rtinchi davrda Janubiy Afrika hamda chorak finalda Xitoy Taypeyi vakillarini mag'lubiyatga uchratishgan edi.

Ertaga, 12 iyul kuni o'tkazilayotgan final o'yinida vakillarimiz koreyalik Seochan Hong va Sanhui Shin juftligiga qarshi kortga tushadilar.

Hal qiluvchi bahsda ham yigitlarimizdan g'alaba kutib qolamiz.
 

Jismoniy tarbiya va sport vazirligi 

Matbuot xizmati

скачать dle 12.1
Fikr bildirish

Кликните на изображение чтобы обновить код, если он неразборчив



O'zbekiston va jahon futboli yangiliklari - chempionatlar, derbilar, uchrashuvlar, video lavxalar, sharxlar, uchrashuv vaqtlari va boshqa futbol yangiliklari. Yevropa ligasi, chempionlar ligasi, osiyo kubogi, jahon chempionati, Angliya premyer-ligasi, Ispaniya La Ligasi, Italiya A seriyasi, Germaniya Bundesligasi, Fransiya Liga 1, Rossiya Premyer-liga barchasi SOCCER.UZ saytida